ભારતમાં આ સ્થળે મળે છે સાવ સસ્તું સોનુ! આદિવાસીઓ કરે છે કમાણી...

બિઝનેસ ડેસ્કઃ સોનાની કિંમતમાં પાછલા બે વર્ષમાં ઘટાડો આવ્યો છે, છતાં ભારતમાં તે હજુ ઘણું મોંઘું છે. પરંતુ શું તમને ખબર છે કે ભારતમાં એક એવી જ જગ્યા છે જ્યાં સોનું કોડીઓના ભાવે ખરીદી શકાય છે.

આ નદીના પાણીમાંથી મળે છે સોનાના કણ.

ઝારખંડની રાજધાની રાંચીથી આશરે 15 કિલોમીટર દૂર રલગર્ભામાં વહેતી સ્વર્ણરેખા નદી કોઇ સામાન્ય નદી નથી. કેમ કે આ નદીમાં સોનાનો એટલો મોટો ભંડાર સમાયેલો છે જેનો અંદાજ પણ લગાવી શકાતો નથી.

આ નદીના પાણીમાં સોનાના કણ મળી આવે છે. અહીં રહેતા આદિવાસી દિવસ રાત આ કણોને એકત્ર કરે છે. મોટા મોટા વેપારીઓ અહીં આવે છે અને આદિવાસીઓ પાસેથી ઓછી કિંમતે સોનું ખરીદી લે છે.

આ નદી કોઇ બીજી નદીમાં મળતી નથી. પરંતુ આ નદી સીધી બંગાળની ખાડીમાં પડે છે. સ્થાનિક લોકોનું કહેવું છે કે આજ સુધી ગમે એટલા સરકારી મશીનો દ્વારા આ નદી પર શોધ કરવામાં આવી છે પરંતુ એ વાતની ખબર નથી પડી કે આખરે આ કણ જમીનના ક્યા ભાગમાં વિકાસ પામે છે.

ભૂતકાળ કંઇક આવો છે   

એક માન્યતા અનુસાર રાંચીમાં પિસકા ગામ નજીક નદીના મુખ પાસે સોનું ખોદી કાઢવામાં આવ્યું હતું. તેથી જ આ નદીનું નામ સ્વર્ણ રેખા પાડવામાં આવ્યું છે જેનો અર્થ થાય છે. ‘સોનાનો પટ્ટો’. દંતકથાઓમાં પણ ઉલ્લેખ કરવામાં આવ્યો છે કે આ નદીમાંથી સોનું મળી આવ્યુ છે. હાલમાં પણ લોકોને નદીની રેતીમાંથી સોનું મળી આવે છે.

નદી પરથી પડે છે ધોધ

 આ નદી પરથી એક ધોધ વિકસાવવામાં આવ્યો છે જેનું નામ છે હુન્ડ્રા ધોધ. તે 98 મીટર (322 ફૂટ)ની ઊંચાઇએથી પડે છે. ધોવાણને કારણે આપોઆપ સર્જાયેલા ખડકોએ આ સ્થળની સુંદરતામાં વધારો કરે છે.